ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

អាជ្ញាធរស្នើដល់ពលរដ្ឋរាយការណ៍ករណីសង្ស័យអ្នកជំងឺកូវីដ-១៩ដែលកំពុងលួចសម្រាកព្យាបាលដោយខ្លួនឯង

  • ចុះផ្សាយថ្ងៃទី០៣ ខែកុម្ភៈ ឆ្នាំ២០២២ ម៉ោង ១១:៤៣ នាទី ដោយ Horn Thovan
  • 2281
  Aa |   aA

ភ្នំពេញ៖ រដ្ឋបាលរាជធានីភ្នំពេញបានស្នើដល់ពលរដ្ឋដែលធ្វើតេស្តដោយខ្លួនឯងឃើញផ្ទុកជំងឺកូវីដ-១៩ឱ្យរាយការណ៍ទៅអាជ្ញាធរដើម្បីឱ្យក្រុមគ្រូពេទ្យចុះយកសំណាក វាយតម្លៃស្ថានភាពអ្នកជំងឺ និងទីតាំងផ្ទះមុននឹងអនុញ្ញាតឱ្យអាចព្យាបាលនៅផ្ទះបានឬត្រូវទៅមន្ទីរពេទ្យ។ អាជ្ញាធររាជធានីព្រមានចាត់វិធានការច្បាប់លើអ្នកដែលមិនព្រមរាយការណ៍ជូនមន្ត្រីសុខាភិបាល ឬអាជ្ញាធរមូលដ្ឋានអំពីករណីវិជ្ជមានកូវីដ-១៩របស់ខ្លួន។

ក្នុងសេចក្ដីណែនាំបន្ថែម ស្ដីពីការពង្រឹងប្រសិទ្ធភាពនៃការគ្រប់គ្រង ថែទាំ និងព្យាបាលអ្នកជំងឺកូវីដ-១៩ នៅតាមផ្ទះក្នុងភូមិសាស្ត្ររាជធានីភ្នំពេញ បានបញ្ជាក់ថាការអនុញ្ញាតឱ្យព្យាបាលនៅតាមផ្ទះបានគឺទៅលើអ្នកជំងឺកូវីដ-១៩ រួមទាំងមេរោគបំប្លែងថ្មី អូមីក្រុង ដែលមានអាការៈស្រាល គ្មានរោគសញ្ញា និងគ្មានកត្តាប្រឈម និងត្រូវយល់ព្រមឱ្យអាជ្ញាធរដាក់សញ្ញាសម្គាល់នៅមុខផ្ទះផងដែរ។

អាជ្ញាធររាជធានីភ្នំពេញ ព្រមានចាត់វិធានការផ្លូវច្បាប់លើអ្នកដែលគេចវេសចំពោះការមិនរាយការណ៍ដោយព្យាយាមព្យាបាលជំងឺកូវីដ-១៩ដោយខ្លួនឯងនៅផ្ទះ។ និងស្នើដល់ពលរដ្ឋរស់នៅជិតខាងឱ្យរាយការណ៍ពីករណីសង្ស័យមកកាន់អាជ្ញាធរផងដែរ។

ក្នុងសេចក្ដីណែនាំនោះបន្ថែមថា៖ «រដ្ឋបាលរាជធានីភ្នំពេញ លើកទឹកចិត្ត និងស្នើសុំឱ្យប្រជាពលរដ្ឋដែលមានលំនៅឋានរស់នៅក្បែរខាងទីតាំងផ្ទះរបស់បុគ្គល ដែលសង្ស័យថាមានអ្នកជំងឺកូវីដ-១៩ កំពុងលួចលាក់សម្រាកព្យាបាលដោយខ្លួនឯងដោយគ្មានការវាយតម្លៃ និងការអនុញ្ញាតពីមន្ត្រីសុខាភិបាល ឬអាជ្ញាធរមូលដ្ឋានទេនោះត្រូវរាយការតណ៍ជាបន្ទាន់មករដ្ឋបាលរាជធានីភ្នំពេញ ឬអាជ្ញាធរមូលដ្ឋានដែលនៅជិតបំផុត ហើយរដ្ឋបាលរាជធានីភ្នំពេញ នឹងធានារក្សាការសម្ងាត់ជូន ដើម្បីឱ្យអាជ្ញាធរមូលដ្ឋានចាត់វិធានការ បានទាន់ពេលវេលាចៀសវាងការចម្លងជំងឺកូវីដ-១៩ ជាពិសេសមេរោគបំប្លែងថ្មី ប្រភេទអូមីក្រុង ទៅក្នុងមូលដ្ឋានភូមិសង្កាត់ដែលខ្លួនកំពុងរស់នៅ» ។

យោងតាមមាត្រា១០ នៃច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត អ្នកដែលមិនគោរពវិធានការរដ្ឋបាលនឹងត្រូវទទួលពិន័យជាទឹកប្រាក់ពី១លាន ដល់៥លាន និងកើនឡើងរហូតដល់២០លានរៀលកាលបើអំពើនោះធ្ងន់ធ្ងរដល់សុខភាពសាធារណ បូកជាមួយនឹងការផ្តន្ទាទោសដល់៥ឆ្នាំ៕

ព័ត៌មានជាច្រើនទៀតសម្រាប់អ្នក